E bi bide Müüs wöus mer Spass macht zäme ufnes Ziel härezschaffe und Ziit mit super Lüüt zverbringe.

Ig bin en Muus wel d Fasnacht die schönsti Zit vom Johr isch und ich kei besseri Gugge kenne zum die uslebe!

Farbig, luut und luschtig die dunkli und chauti Johresziit z durestoh und denne imene Spektakel a de Fasnacht uszlüüte lo, zäme mit liebe und luschtige Lüüt: Das esch für me d Guggemusig bi de Müüs!

Wenn me während de Fasnacht uf d Welt chont, cha me gar ned anderscht, als d Fasnacht z'liebe. Met anderne zäme Fasnacht mache, esch dorom für me wonderschön. Wenn mes denn no met sonere tolle Groppe cha mache, wie met de Müüs, eschs no schöner!

I ha dank der Fasnacht mini Familie und met de Müüs e zwöiti Fasnachtsfamilie gfunde.

D' Fasnacht verbindet üs Müüs mitenand und schenkt üs e wunderschöni Ziit mit vile unvergässliche Momänt und Spass. Ich bi stolz druf e Muus z'sii.

I be bede Müüs wellis unglaublich schön finde met all dene tolle Müüs ar Fasnacht e gueti Ziit z'ha!

I bi gärn bi de Müüs wüu ig d Lüt sehr gärn ha, mir der Ustuusch und s Zämesi guet tuet u mir ds Spile im Trompeteregischter fröid macht. D Musigstückuswahl findi super u fätzig!

D Müüs, die best Guggemusik zum steil gah!

Eg be bi de Müüs wöu i gärn mit unterschiedleche Lüüt zäme be: Zäme Musig mache, zäme diskutiere, zäme öppis trinke, zäme üebe, zäme d' Fröid ade Fasnacht witergäh, 's zäme loschtig ha!

Bi dä Müüs chan ich mitgschtalte und erläbe wie jedes Joor öppis Schöns entstaht - und ar Fasnacht bim Vorfüehre gnüsse.